Facebook
VK
Instagram
Галоўная Наша парафія
Катэхэза
Рухі і супольнасці
Сакрамэнты
Facebook
VK
Instagram

Інтэнцыі Святой Імшы

Інтэнцыя (ад лат. intentio - «намер») — у Каталіцкім Касцёле азначае тое, аб чым хто-небудзь просіць у малітве.
Інтэнцыя Святой Імшы — гэта інтэнцыя святара, у якой ён ахвяруе Святую Імшу, і людзей, якія прымаюць у ёй удзел, або асобы, якая яе замовіла (папрасіла святара памаліцца на Святой Імшы).
У Касцёле існуе вялікая разнастайнасць набажэнстваў і малітваў. Аднак кожная з іх, па значэнні, саступае Святой Імшы. Бо ў Эўхарыстыі ўвасабляецца адзіная ахвяра Хрыста — Езус памірае за нас, складаючы ахвяру за нашы грахі, і вяртае нам новае жыццё. Такім чынам, гэта крыніца, з якой выцякаюць ўсе ласкі.

Ахвяраванне Святой Імшы ў пэўнай інтэнцыі, несумненна, з'яўляецца найвялікшым духоўным дарам, якім мы можам каго-небудзь адарыць.

У нашым касцёле, ёсць магчымасць падаць/запісаць/замовіць наступныя віды інтэнцый Святой Імшы:
індывідуальная — святар моліцца на Святой Імшы толькі ў адной інтэнцыі; можна выбраць канкрэтны вольны дзень (дзе ўжо не запісанна інтэнцыя), калі святар памоліцца ў вашай інтэнцыі.
складковая — святар моліцца на Святой Імшы ў некалькіх інтэнцыях (не абмежаванна адносна просьб і прасіцеляў; падаць інтэнцыю можна загадзя і таксама непасрэдна ў дзень складковай Святой Імшы.
Складковыя Імшы ў нашай парафіі — кожны панядзелак і кожны 16-ы дзень месяца.
За каго і аб чым можна падаць інтэнцыю Святой Імшы?
Ахвяра Хрыста датычыць кожнага чалавека. Такім чынам, можам маліцца за жывых — нашых родных, сяброў, святароў, з нагоды дня нараджэння, імянінаў, юбілеяў або важных падзей у іх жыцці.

Мы таксама можам маліцца за нашых памерлых — аб збаўленні іх душаў, каб яны хутчэў перайшлі да хвалы нашага Нябеснага Айца.

Мы таксама можам маліцца ў агульных інтэнцыях — за Касцёл, аб пакліканнях да святарства, за Радзіму, за супакоў і т.п.

УВАГА! Абмежаванняў адносна веравызнання, канфесіі альбо прычыны смерці (калі за памерлую асобу) — НЯМА.
Прыклады
Святая Імша ў інтэнцыі:
• Падзякі Богу за атрыманыя ласкі…
• Аб здароўі і Божым благаслаўленні…
• У гадавіну шлюбу, аб далейшага благаслаўленні і здароўі…
• За Касцёла/Святога Айца/Айчыну…
• Аб вызваленні з залежнасці (алкагалізму, наркаманіі, іграманіі…) …
• Аб выздараўленні ад цяжкай хваробы…
• Аб паспяховай аперацыі і за лекараў якія яе будуць рабіць …
• Аб навяртанні для …
• Аб ласцы прабачэнні крыўды …
• Аб здароўі і супакоі ў сям’і…
• Аб пакаянні і добрай споведзі для …
• Аб дапамозе ў навучанні, аб дарах Святога Духа, аб здачы экзамену…
• За ненароджанае дзіця
• Аб добрым перажыванні цяжарнасці …
• Аб добрых і паспяховых родах
• Аб здароўе для маці і дзіцяці…
• Аб Божай дапамозе і апецы Маці Божай…
• Аб вырашэнні цяжкага справы…
• З нагоды дня нараджэння (імянінаў, юбілею…), аб Бажым Благаслаўленні…
• Аб святарскіх, манаскіх пакліканнях…
• Аб добрым выбары жыццёвага шляху…
• За памерлага (памерлую) …
• За памерлых з сям’і (сямей) …
• За душы ў чысцы церпячые…
Як і калі можна падаць інтэнцыю на Святую Імшу?
Інтэнцыю можна запісаць ў святара ў касцёле перад альбо пасля кожнай Святой Імшы.

Калі інтэнцыя «індывідуальная» і Вас цікавіць канкрэтны дзень і гадзіна, то трэба звярнуцца ў касцёл да святара, як мага раней, каб было вольнае месца. (Здараецца, што на 2 тыдні наперад можа не быць вольнага месца)

Калі інтэнцыя на складковую Святую Імшу, то можна як і загадзя, так і непасрэдна перад Святой Імшой.
Колькі гэта «каштуе»?
Пры падаванні інтэнцыі складаецца грашовая ахвяра. Яна прызначана для ўтрымання касцёла і асобаў якія ў ім служаць, у прыватнасці святара, які моліцца ў дадзенай інтэнцыі. Грашовае ахвяраваньне не з'яўляецца платай за Святаю Імшу — святар будзе маліцца незалежна ад гэтай ахвяры. Яе велічыня залежыць ад волі і магчымасцяў таго хто просіць памаліцца.