Жывы Ружанец
“Ружанцовая малітва — гэта малітва чалавека за чалавека; гэта малітва людской салідарнасці, супольная малітва адкупленых, у якой адлюстраваны дух і інтэнцыя Той, якая займае першае месца сярод адкупленых — Марыі, Маці і Вобразу Касцёла; гэта малітва за ўсіх людзей свету, усіх гістарычных часоў, жывых і памерлых, якія пакліканыя ствараць разам з намі Цела Хрыста і станавіцца разам з Ім спадкаемцамі хвалы Айца.”
Святы Ян Павел II
Жывы Ружанец — гэта супольнасць людзей, якія штодзённа моляцца Ружанец: кожная асоба чытае адну таямніцу. Гэтыя супольнасці называюць «Ружамі».
Кожны удзельнік Жывога Ружанца вучыцца збіраць у сваім жыцці духоўныя скарбы праз:
1
Разважанне над таямніцамі Ружанца - евангельскімі таямніцамі нашага адкуплення, дзе вучымся ў Маці Божай вернасці Богу праз радаснае служэнне і прыняцце штодзённага крыжа, працы, стомленасці, розных праблемаў разам з Хрыстом аж да хвалебных таямніцаў святога Ружанца.
2
Малітву ва ўсіх інтэнцыях Айца Святога, інтэнцыях парафіі і асабістых інтэнцыях.
3
Удзел у сустрэчах Жывога Ружанца ў першыя нядзелі месяца пасля Св. Імшы на 10.00. Падчас гэтых сустрэч змяняем ружанцовыя таямніцы і атрымоўваем інтэнцыі на новы месяц.
Усе, хто патрабуе заступніцкай малітвы, заўсёды могуць разлічваць на удзельнікаў Жывога Ружанца. Бо Езус Сам вучыў: "Дзе двое ці трое сабраліся ў імя Маё, там Я ёсць сярод іх" (Мц 18, 19-20) і яшчэ: "Сапраўды, сапраўды кажу вам: калі чаго ў імя Маё папросіце ў Айца, дасць вам" ( Ян 16, 24).
Усе жадаючыя удзельнічаць у Жывым Ружанцы могуць звяртацца да спадарыні Вольгі Давыдзенкі +375292178461.
г. Полацк, вул. Дзяржынскага 50, 211402
тэл: +375 (214) 43 92 49
тэл: +375 (214) 43 92 59
babola@mail.ru
Выкарыстанне тэкстаў і фота з сайта дазваляецца пры умове абавязковай гіпертэкставай спасылкі на Babola.by. Спасылка павінна весці на старонку з арыгінальным матэрыялам і быць добра бачнай.